पृष्ठ:सूरसागर.djvu/६४२

(५४९)

दशमस्कन्ध-१०

अवहीं है फिरि आवता सोई सूर सहाय हमारे वेणु रसाल बजावत ॥३७॥ मलार ॥ मधुकर जानो ज्ञान तिहारो । जाने कहा राजलीलाकी अंत अहीर विचारो ॥ एक भली हम सबै सयानी एक संयानी सों मनमानो । लाज लए प्रभु आवत नाहीं है जो रहे खिसिमानो ॥ लै आवो हम कछू न कैहैं मिलिहें प्राणपियाराव्याहो वसि धरो दश कुविना अंतहु श्याम हमारे ॥ सुनरी सखी कहूं नहिं कहिए माधो आवन दीजै । सूरदास प्रभु आनि मिले जो हांसी करि करि लीजै ॥३८॥ मधुकर तुमही श्याम सखाई । पालागौं यह दोष वकसियो सन्मुख करत ढिठाई ॥ कौने रंक संपदा विलसी सोवत सपने पाई । धाम धुआँको कहो कवनकै कवनै धाम उठाई ॥ अरु कनके माला कर अपने कौने गूंथ बनाई । कहि कागजकी तरनी कीन्हे कौन तरयो सरजाई ॥ किन अकासते तोरि तुरैआ आनि धरी घरमाई । और कौन अवलन व्रतधारयो योग समाधि लगाई ॥ इहि उर आनि रूप देखेकी आगि उठे अगिआई । सुन ऊधो तुम फिरि फिरि आवत यामें कौन बड़ाई ॥ सूरदास प्रभु ब्रज युवतिनको प्रेम कह्यो नहिं जाई ॥३९॥ गौरी ॥ मनकी मनहीं मांझ रही । कहिए जाइ कौनपै उधो नाहिंन परत कही ॥ अवधि अधार आश आवनकी तन मन व्यथासही । चाहति हुती गोहारि जितहिते तितहिते धार वही ॥ अब इन योग सँदेशन सुनि सुनि विरहिनि विरह दही । सूरदास अब धीर धरहि क्यों मर्यादा न लही ॥४०॥ गौरी ॥ तुमहिं दोष नहिं हम अति वोरी । रूप निरखि हग लागेहैं ढोरी ॥ चित चोराइ लियो मूरति सोरी।सुभग कलेवर कुमकुम खोरीगंजमाल उर पीत पिछोरी । यहिते जो नेकुल बुधि योरी ॥ गहत सोइ जो समात अकोरी । सुरश्याम सों कहियो एक ठोरी । यह उपदेश सुनहि ते आरी ॥४१॥ नट ॥ श्याम तुम ठगसों प्रीति करी । काटे नाक पछोरे पूँछत ताते सब सुधरी ॥ ह्यां ऊधो काहेको आए कौनसी अटक परी। सूरदास प्रभु तुम्हरे मिलन विनु सब पाती उघरी ॥४२॥ सारंग ॥ ऊधो वनत न राज भयो । नए गोपाल नई कुविजावनी नौतन नेह ठयो । नए सखा जोरे यादवकुल अरु नृपकंस हयो। नव तन नारि नए पुर कीन्हो तिन अपनाइ लयो ॥ विसरे रास विलास कुंज सब अपनी जात गयो । सूरदास प्रभु बहुत वटोरी दिन दिन होत नयो ॥४३॥ अब तुम कापर कपट बनावत । नाहिन कंस कान्ह नहिं गोकुल को पठवत कहा आवत ॥ जिन मोहन वैसी वारिजकार सुख तन सींचि बढायो । सो पुनि ऊधो कर कारनको योग कुठार पठायो।। इतनो तो मानुपही जानै जिनके मति थोरी। धाखेही विरवा लगाइकै काटत नाहि वहोरी ॥ वै प्रवीन ऊधो अति नागर जानि परस्पर प्रेम । कैसकै पठवत वै आवत टारनको हित नेमास्वर्गहु गए कंस अपराधी परयो हमारे खोज । दृष्टिते टारि ध्यानहुते टारत वाऊ सबको चोज । विद्यमान आए जे छल करि तिन अपनो फल पायो ह्यहि हृदय सूरश्यामजी बनत न स्वांग बनायो ॥४४॥ अपने स्वारथके सब कोऊ । चुपकरि रहो मधुप सुन लंपट तुम देखे अरु ओजोजो कछु कहो कह्यो चाहतहो कार निरवारो सोऊ । अब मेरे मन ऐसी पटपद होवे होहु सुहोऊ ॥ तव कत रास रच्यो वृंदावन ज्यों ज्ञानी हूतोऊ । लीने योग फिरत युवतिनमें बडे सुपथ तुम दोऊ ॥ छुटिगयो मान परेखोरे अलि हृदय हतो बहु जोऊ । सूरदास प्रभु गोकुल विसरो चित चिंतामणि खोऊ ॥४५॥ नट ॥ कहत कत परदेशीकी बात । मंदिर अरघ अवधि वदी हमसों हरि अहार चलिजात ॥ शशि रिपु वरप सूर रिपु युगवर हर रिपु किए फिरे घात । मघपंचक लैगए श्याम धन आइ बनी यह बात ॥ नक्षत्र वेद ग्रह जोरि अर्घ करि-को वरज हम खात । सूरदास प्रभु तुम