पृष्ठ:सूरसागर.djvu/६११

(५१८)

सूरसागर।

राते एक डार केसे तोरे ॥ यह सखी मैं पहिले कहि राखी असित न अपने होहीं । सूर कोटे जो माथो दीजै चलत आपनी गोहीं ॥५२॥ उधो प्रेम रहित योग निरस काहेको गायो । हम अवलनिको निठुर वचन कहे कहा पायो ॥ जिन नैनन कमलनैन मोहन मुख हेरयो । सूदनते नैन कहत कौन ज्ञान तेरयो । तामें सुनि मधुकर हम कहा लेन जाहीं । जामें प्रिय प्राण नाथ नंदनँदन नाहीं ॥ जिनके तुम सखा साधु वात कहो तिनकी । जीवत कहि प्रेम कथा दासी हम उनकी ॥ अविनाशी निर्गुण मत कहा आनि भाख्यो । सूरदास जीवन प्रभु कान्ह कहा राख्यो ॥५३॥ सारंगा ॥ जिनि चालहि अलि वात पराई। नहिं कोउ सुनै न समुझत ब्रज में नई कीरति सब जात हिराई ॥ जाने समाचार सुखपाए मिाले कुलकी आरति विसराई। भले ठौर वसि भली भई मति भले ठौर पहिचानि कराई ॥ मीठी कथा कटुकसी लागति उपजतहै उपदेश खराई । उलटे न्याउ सुरके प्रभुके वहेजात माँगत उतराई ॥५४॥ धनाश्री ॥ ऊधो योग सिखावन आए अब कैसे धीरज धरौं । जोरि जोरि चित जोरि जुरीनो जोरी जोरिन जानौ ॥ पहिलो योग कहा भयो उधो अब यह योग डिढानो ॥ उन हरि हमसों प्रीति करी जो जैसे मीन अरु पानी । तलफि तलफि जिय निकसन लागे पापी पीर नजानी ॥ निशि वासर मोहिं पलक नलागै कोटि जतन कार हारी । ज्यों भुवंग तजि गयो केचुली सो गति भई हमारी ॥ एकदिवस हरि अपने हाथन करन फूल पहिराए । ते मोहन माटीके मुद्रा मधुकर हाथ पठाए । वेनी सुभग गुही कर अपने चरणन जावक दीनो। कहा कहौं वा श्यामसुंदर सों निपट कठिन मन कीनो ॥ तुम जो वसत हो मथुरा नगरी हम जो वसत या गाँव । ऊधो हरिसों यो जाइ कहियो प्राण तजहि या ठाँव ॥ प्रीतम प्यारे प्राण हमारे रहे अधरपर आइ।सूरदास हरिजीके आगे कौन कहै दुखजाइ ॥५५॥नैतश्री॥ उधो योग सिखावन आए। शृंगी भस्म अधारी मुद्रा दै यदुनाथ पठाए ॥ जो पै योग लिखो गोपिनको कत रसरास खिलाए । तवहीं क्यों नज्ञान उपदेशो अधर सुधारस प्याए । मुरली शन्द सुनत बनगवनी पति सुत गृह विसराए । सूरदास सँग छांड स्वामिको हमहि भले पछिताए ॥५६॥ धनाश्री ॥ बहुत दिन गए उधो चरण कमल विनु देखे । दरशनहीन दुखित दिनही दिन छिन छिन विपति विशेषरिजनी अति प्रेम परि वन गृह मन धरै न धीरावासर मग जोवत उर सरिता भए नैनके नीरजोलौंही अवधि आश सोइ गानगति घटि रही श्वास । अति वियोग विरहिन तनु तजि है कहि सो सूरज दास ॥५७॥ ऊधोवचन ॥ धनाश्री ॥ ज्ञान विना कहूँ वै सुख नाही। घट घट व्यापक दारु अग्नि ज्यों सदा बसै उर माहीं । निर्गुण छांडि सगुणको दौरति सोचि कहौ किहि वाही । तत्त्व भजौ ज्यों निकट न छूटै त्यों तनुके सँग छाहीं।।तिनके कहो कौन चस पायो जे अवलौं अवगाहीं। सूरदास ऐसे कर लागत ज्यों कृषि कीन्हें पाहीं ॥५८॥सोरठा ॥ ऊधो प्यारे कही सो बहुरि नकहिए । जो तुम हमैं जिवायो चाहत अनवोले होइ रहिए ॥ प्राणहमारे घात होत हैं तुमरे, भावै हाँसी । या जीवन ते मरन भलो है करवत लेवो कासी ॥ पूरवप्रीति सँभारि हमारे तुमको कहन पठायो । हमतौ जरि बरि भस्म भए तुम आनि समसान जगायो । कैहरि हमको आनि मिलावहु कै ले चलिए साथे । सूर श्याम बिन प्राण तजत हैं वनै तुम्हारे माथे ॥५९॥ धनाश्री ॥ रे मधुकर कहा सिखावन आयो । एतौ नैन रूप रस राचे कयो नकरत परायों। योग युक्ति हम कछुव न जानें नाकछु ब्रह्म ज्ञानो । नवकिसोर मोहन मृदुमूरतिता सों मन उरझानोभली करी तुम आए उधों देखो दशा विचारी । दाइ उपाइ मिलाइ सूरप्रभु आरति हरहु हमारी ॥६०॥ कल्याण ॥ मधुकर कहा ।