पृष्ठ:सूरसागर.djvu/३८०

(२८७)

दशमस्कन्ध-१०

प्रगट बताइ देउ कहि झेरो॥ अरुणश्वेत सित सुंदर तारे। पीतरंग पीतांबर धारे॥ नानारंग श्याम गुणकारी। सूरझ्याम रंग घोषकुमारी॥८४॥ विहागरो ॥ श्यामसलोनरूपमें अरी मन अग्यो। ऐसेह्वै लटक्यों तहां ते फिरि नहिं मटक्यो बहुत जतन मैं करयो॥ ज्यों ज्यों खैचति त्यों त्यों मगनहोत ऐसी धरनि धरयो। मोसों वैर करत उनकी ह्यां देख्योजाइ ढरयो। ज्यों शिवछत दरशन रविपाये जेही गरनिगरयो। सूरदास प्रभुरूपथक्यो मन कुंजल पंक परयो॥८५॥ देसाप ॥ निशिदिना इनि नेननिकोरी नंदलालकी लागीरहै लालसाई। मुरलीरसतानभरी श्रवननरी जबतेरी परी कैसेहु टरति नहीं हृदयते विहारी यदुराई॥ कहाकहौं तोसों यह सजनी मनमेरो लैगयो चोराई॥ सुरश्यामको नाम धरौं पुनि धरयो नजाइ सुधि नरहै तनुमाई॥८६॥ देख सखी मेरोमन नरहै श्यामविना। अतिहि चतुर जान जाननि मनि वह छबि परमैं भईलीना॥ अपनी दशा कहौंमें कासों वन वन डोलति रैनिंदिना। मनतो चोरि लियो पहिलेही झुरिझुरिह्वै रही छीना॥ वै मोहन मनहरत सहजही हरिलै ताको करत हीना। सूरदास प्रभु रसिक रसीले बहुनायकहैं नाउँजीना॥८७॥ सारंग ॥ नैननि नीदौ गईरी निशिदिन पल पल छतियां लाग्यौ रहै धरको। उत मोहन मुख मुरली सुनत सुध्यो नरही इत घेरा घरको॥ ननदी तौन दिये विनुगारी नैकहू रहति सासु सपनेहू में आनि गोउति काननिमें लये रहै मेरे पाँइनको खरको। निकसनहूं ना पाइयेरी कासों दुख काहिये देखहू न पाइयेरी सूरदास प्रभुके तन मेरो ज्यों ऐसो भयो जैसो हाथ पाथर तरको॥८८॥ सुघराई ॥ मोहन मुरली बजाइहों रिझाई। तिनही मोहीरी हो मोहीरी सांझ समै देखे कन्हाई॥ आनि निकसे मेरे आंगनह्वै तबते चितवत यह पीर भईरी। काकी देह गेह सुधि काके हेहरि कैसे मैं हीरी॥ तेरे कहे कहतिहीं वानी मैं हरिहाथ विकानी तबते एक टक जोइरहीरी। मिलत नहीं नहिं संगते त्यागत कहाकरौं बूझो तोहीरी॥ सुरश्याम तबते नहिं आये मन जबते हरिलीन्हो वैतौ ऐसेहें द्रोहीरी॥ अडानो॥८९॥ ब्रजकी खोरि ठाडो साँवरो टोटौना तवहौं मोहीरी हौ मोहीरी। जबते मैं देखे श्यामसुंदररी चलि नसकत पगदइहै काम नृप द्रोहीरी॥ कोलैआइ कौने चरन चलाइ कौने वहियां गही सोधों कोहीरी। सूरदास प्रभु देखे सुधि रही नहिं अति विदेह भई अब मैं बूझति तोहीरी॥ मुथराई ॥ आंखिन में बसै जियरे में बसै हियरे में बसत निशि दिन प्यारो। मनमें बसै तनमें बसै रसनामें बसै अंग अंग में वसत नंदवारो॥ सुधिमें बसै बुधि हूमें बसै पुरजनमें वसत पिय प्रेम दुलारो। सूरश्याम बनहू मे वसत घरहूमें वसत संगजयों जलरंगन होत न्यारो॥९०॥ सोरठ ॥ नँदनंदन विन कल नपरै। अति अनुराग भरी युवती सब जहां श्याम तहां चित्तं ढरै॥ भवन गई मन तहाँ न लागै गुरु गुरुजन अति त्रास करै। वैकछु कहै करै कछु औरै सासु ननद तिनपर झहरै॥ इहै तुमहि पितु मात सिखायो बोल करति नहिं रिसन जरै। सूरदास प्रभुसे चित अरुझ्यो यह समझो जिय ज्ञान धरै॥९१॥ जैतश्री ॥ सासु ननद घर त्रास देखावै। तुम कुलवधू लाज नहिं आवति वार वार यह कहि समुझावै॥ कवही गई न्हान तुम यमुना यह कहि कहि रिसपावै। राधाको तुम संग करंतिहौं ब्रज उपहास उडावै॥ वेहैं बडे महरकी बेटी तौ ऐसी कहवावै। सुनहुं सूर यह उनही फावै येसी कहति डरावै॥९२॥ सारंग ॥ हम अहीर ब्रजवासी लोग। ऐसे चलौ हँसे नहिं कोऊ घरमे बैठि करो सुख भोग॥ दही मही लवनी घृत बेचो सबै करौ अपने उपयोग। शिरपर कंस मधुपुरी बैठो छिन कहिमें करि डारौ सोग॥ फूंकि फूंकि धरणी पग धारौ अब लागी तुम करन अयोग। सुनहु सूर अब जानोगी तब जब देखै राधा संयोगा॥९३॥