पृष्ठ:संक्षिप्त रामचंद्रिका.djvu/२१९

(१६९)

[दो०] राग द्वेप बिन कैसहूँ, धर्माधर्म जो होइ।
⁠हर्ष शोक उपजै न मन, कर्त्ता महा सो लोइ॥५८॥
⁠भोज अभोजन रत विरत, नीरस सरस समान।
⁠भोग होइ अभिलाष बिन, महा भोगता मान॥५९॥
⁠जो कछु आँखिन देखिए, बाणी बर्ण्यो जाहि।
⁠महातियागी जानिए, झूठो जानै ताहि॥६०॥
⁠⁠⁠⁠[तोमर छद]
⁠जिय ज्ञान बहु ब्यौहार। अरु योग भोग बिचार॥
⁠यहि भाँति होइ जो राम। मिलिहैं सो तेरे धाम॥६१॥
⁠⁠⁠⁠[सवैया]
निशि-बासर बस्तुबिचार करै मुख साँच हिये करुना धनु है।
अघ निग्रह सग्रह धर्मकथा सु-परिग्रह साधन को गनु है॥
कहि केसव योग जगै हिय भीतर बाहेर भोगन सो तनु है।
मन हाथ सदा जिनके तिनको बन ही घर है, घर ही बनु है॥२॥
[दो०] लेइ जो कहिए साधु अन-लीन्हे कहिए बाम।
⁠सबकौ साधन एक जग, राम तिहारौ नाम॥६३॥
⁠⁠⁠⁠[तामरस छंद]
जब सब वेद पुरान नसैहै। जप तप तीरथहू मिटि जैहैं।
द्विज सुरभी नहिं कोउ बिचारै। तब जग केवल नाम उधारै॥६४॥
[दो०] मरनकाल कासी विषे, महादेव निजधाम।
⁠जीवन को उपदेसिहैं, रामचद्र को नाम॥६५॥