यह पृष्ठ जाँच लिया गया है।
उत्तर कांड
[चतुष्पदी छद]
हनुमत विलोके भरत ससोके अंग सकल मलधारी।
बकला पहिरे तन, सीस जटा गन, हैं फल मूल अहारी॥
बहु मत्रिनगन मै राज-काज मैं सब सुख सौ हित तोरे।
रघुनाथ-पादुका तन मन प्रभु करि सेवत अ जुलि जोरे॥१॥
भरत प्रति राम संदेश
हनुमान्--
सब सोकनि छॉड़ौ, भूषन मॉडौ, कीजे विविध बधाये।
सुर-काज सँवारे, रावन मारे, रघुनंदन घर आये॥
सुग्रीव सुयोधन, सहित विभीषन, सुनहु भरत शुभ गीता।
जय कीरति ज्या सँग अमल सकल अँग सोहत लछमन सीता॥२॥
[पद्धटिका छद]
सुनि परम भावती भरत बात।
भये सुख-समुद्र मै मगन गात॥
यह सत्य किधौं कछु स्वप्न ईस।
अब कहा कह्यो मोसन कपीस॥३॥
जैसे चकोर लीलै अँगार।
तेहि भूलि जाति सिगरी सँभार॥
