------------------
देख देख राधा रूप अपार ।
अपरुव के विहि आनि मिलाओल खिति तल लावनि सार ॥ २ ॥
अङ्गहि अङ्ग अनङ्ग मुरछायत हेरए पड़इ अथीर ।
मनमथ कोटि मथन करु ये जेन से हेरि महिमह गीर ॥ ४ ॥
कत कत लखिमी चरनतल नेउछय रङ्गिनि हेरि बिभोरि ।
करु अभिलाष मनहि पदपङ्कज अहोनिशि कोरि अगोरि ॥ ६ ॥
{{{1}}}
(४) महिमह=धरणीतल।
(५) नेउछय = नौछावर। बिभौरि=विह्वल।
शैशव यौवन दुहु मिलि गेल । श्रवणक पथ दुहु लोचन लेल ॥२॥
बचनक चातुरि लहु लहु हास । धरनिये चाँद करल परगास ॥४॥
मुकुर लइ अव करत शिङ्गार । सखि पूछइ कैसे सुरत बिहार ॥६॥
निरजने उरज हेरइ कतवेरि । हसइत अपन पयोधर हेरि ॥८॥
पहिल बदरि सम पुन नवरङ्ग । दिने दिने अनङ्ग अगोरल अङ्ग ॥१०॥
माधव पेखल अपरुव बाला । शैशव यौवन दुहु एक भेला ॥१२॥
विद्यापति कह तुहु अगेयानि । दुहुएक योग इहके कह सयानि ॥१४॥
{{{1}}}
(३) लहु = लघु ।
(९) बदरि= बेर। नवरङ्ग = नारङ्गी, नींबू ।
(१०) अगोरल =घेर लिया, पहरा दिया ।
(११) पेखल = देखना ।
