पृष्ठ:कबीर ग्रंथावली.djvu/३६८

२८४

कबीर-ग्रंथावली

⁠विषय विषय की वासना तजिय न जाई ।
⁠अनिक यत्न करि राखियै फिरि फिरि लपटाई ॥
⁠जरा जावन जोबन गया कछु किया न नीका।
⁠इह जीया निर्मोल को कौड़ी लगि मीका ।।
⁠कहु कबीर मेरे माधवा तू सर्वव्यापी ।
⁠तुम सम सरि नाहीं दयाल मो सम सरि पापी ।। ६५ ॥

गृह सोभा जाकै रे नाहि । आवत पहिया खूधे जाहि ॥
वाकै अंतर नहीं संतोष । विन सोहागनि लागै दोष ॥
न सोहागनि महा पवीत । तपे तपीसर डालै चीत !
सोहागनि किरपन की पूती । सेवक तजि जग तम्यो सूती ।।
साधू कै ठाढी दरबारि । सरनि तेरी मोकौ निस्तारि ॥
सोहागनि है अति सुंदरी । पगनेवर छनक छन हरी ।।
जौ लग प्रान तऊ लग संगे । नाहिन चली बेगि उठि नंगे ।
सोहागनि भवन त्रै लीया । दस अष्ट पुराण तीरथ रस कीया ।।
ब्रह्मा विष्णु महेसर बेधे । बड़े भूपति राजे है छेधे ।।।
सोहागनि उर वारि न पारि । पांच नारद कै संग बिधवारि ।
पाँच नारद के मिटवे फूटे । कहु कबीर गुरु किरपा छूटे ॥६६।।

⁠चंद सूरज दुइ जोति सरूप ।जोती अंतरि ब्रह्म अनूप ।।
⁠करू रे ज्ञानी ब्रह्म बिचारु।जोती अंतरि धरि पाप मारू।।
⁠हीरा देखि हीरै करौ आदेस।कहै कबीर निरंजन अलेखु॥६७।।

⁠चरन कमल जाकै रिदै बसै सो जन क्यों डोलै देव ।
⁠मानौ सब सुख नवनिधि ताके सहजि सहजि जस बोलै देव ।।
⁠तब इह मति जौ सब महि पेखै कुटिल गांठि जब खोलै देव ।
⁠बारंबार माया ते अटकै लै नरु जा मन तोलै देव ।।
⁠जहँ उह जाइ तहीं सुख पावै माया तासु न झोलै देव ।
⁠कहि कबीर मेरा मन मान्या रांम प्रीति की ओलै देव ॥६८॥