पृष्ठ:कबीर ग्रंथावली.djvu/१८७

१०३

पदावली

जल मैं कुंभ कुंभ मैं जल है,बाहरि भीतरि पांनीं ।
फूटा कुंभ जल जलहि समांनां,यहु तत कथौ गियानीं ॥
आदैं गगनां अंतै गगनां,मधे गगनां भाई।
कहै कबीर करम किस लागै,झूठी संक उपाई ॥४४॥

⁠कौंन मरै कहु पंडित जनां,सो समझाइ कहौ हम सनां ॥टेक॥
माटी माटो रही समाइ,पवनैं पवन लिया सँगि लाइ ।।
कहै कबीर सुंनि पंडित गुंनी,रूप मूवा सब देखै दुनीं ॥ ४५ ॥

⁠जे को मरै मरन है मींठा,
⁠⁠गुर प्रसादि जिनहीं मरि दीठा ॥ टेक ।।
मूवा करता मुई ज करनी,मुई नारि सुरति बहु धरनीं ।।
मूवा आपा मूवा मांन,परपंच लेइ मूवा अभिमांन ।।
रांम रमें रमि जे जन मूवा,कहै कबीर अबिनासी हूवा ।। ४६ ॥

⁠जस तूं तस तोहि कोई न जांन,
⁠⁠लोग कहैं सब आंन ।। टेक ।।
चारि बेद चहुँ मत का बिचार,इहि भ्रंमि भूलि परयौ संसार ।।
सुरति सुमृति दोइ को बिसवास,बाझि परयौ सब आस पास ॥
ब्रह्मादिक सनकादिक सुर नर, मैं बपुरौ धूं का मैं का कर ॥
जिहि तुम्ह तारौ सोई पैं तिरई,कहै कबीर नांतर बाँध्यौ मरई।।४७॥

⁠लोका तुम्ह ज कहत हौ नंद को नंदन,नंद कहौ धूं काकौ रे।
⁠धरनि अकास दोऊ नहीं होते,तब यहु नंद कहां थौ रे ॥टेक।।
जामैं मरै न संकुटि आवै,नांव निरंजन जाकौ रे ।
अविनासी उपजै नहिं बिनसै,संत सुजस कहैं ताकौ रे ॥