पृष्ठ:कबीर ग्रंथावली.djvu/३७४

२९०

कबीर-ग्रंथावली

⁠भरनौ मरन कहै मब कोई ।सहुजे मरै अमर होइ सोई।।
⁠कहु कबीर मन भया अनंदा ।गया भरम रहा परमानंदा ॥८६॥
⁠जिह सिमरनि होइ मुकित दुवार। जाहि बैकुंठ नही संसारि ।।
⁠निर्भव कै घर बजावहि तूर। अनहद बजहि सदा भरपूर ।
⁠ऐसा सिमरन कर मन माहि । बिनु सिमरन मुक्ति कत नाहि ॥
⁠जिह सिमरन नाही ननकारु । मुक्ति करै उतरै बहुभारु ।।
⁠नमस्कार करि हिरदय माहि । फिर फिर तेरा पावन नाहिं ।।
⁠जिह सिमरन करहि तू केल । दीपक बांधि धरपी तिन तेल ।।
⁠सो दीपक अमर कु संसारि । काम क्रोध विष काढिले मार ॥ .
⁠जिह सिमरन तेरी गति होइ । सो सुमिरन रखु कंठ पिरोइ ।।
⁠सो सिमरन करि नहीं राखु उतारि । गुरु परसादी उतरहि पार ।।
⁠जिह सिमरन नाही तुहि कान | मंदर सावहि पटवरि तानि ।।
⁠सेज सुखाली बिगस जीउ । सो सिमरन तू अनहद पीठ ।।
⁠जिह सिमरन तेरी जाइ बलाई । जिह सिमरन तुझ पोहै न माई ।।
⁠सिमरि सिमरि हरि हरि मन गाइयै।इह सिमरन सति गुरु ते पाइये।।
⁠सदा सदा सिमरि दिन राति । ऊठत बैठत सासि गिरासि ।।
⁠जागु सोई सिमरन रस भाग । हरि सिमरन पाइयै संजोग ।। .
⁠जिह सिमरन नाहो तुझ भाऊ । सो सिमरन राम नाम अधारू ।
⁠कहि कबीर जाका नहीं अंतु। तिसके आगे तंतु न मंतु ॥८७'।

जिहि मुखि पाँचौ अमृत खाये । तिहि मुख देखत लूकट लाये ।।
इक दुख राम राइ काटहु मेरा । अग्नि दहै अरु गरभ बसेरा ।।
काया बिगृति बहु बिधि माती । को जारे को गड़ले माटी ।
कहु कबीर हरि चरण दिखावहु । पाछे ते जम कों न पठावहु॥८८।।

जिह सिर रचि रचि बाँधत पाग । सो सिर चुंस सवारहि काग ॥
इसु तन धन को क्या गर्बीय्या । राम नाम काहे न दृढ़ीया ।।
कहत कबीर सुनहु मन मेरे । इही हवाल होहिंगे तेरे ॥८९॥